Arsonval, Jacques Arsène d’

Médico e físico francés. Fixo os seus primeiros experimentos sobre a calor animal e os efectos da electricidade nos tecidos vivos no laboratorio de Claude Bernard (1874). Ideou o galvanómetro de reflexión de bobina móbil que leva o seu nome. Dedicouse á electrofisioloxía e foi un precursor da electroterapia. Inventou a arsonvalización, tratamento clínico consistente en someter a zona enferma aos efectos dun campo electromagnético alterno de alta tensión e frecuencia, pero de pouca intensidade, para aumentar a calor do organismo e estimular o metabolismo.

Cronoloxía