ascaridíase

Doenza parasitaria causada na especie humana pola ascáride da especie Ascaris lumbricoides, un verme nematodo grande e cilíndrico semellante a unha miñoca, que pode chegar aos 45 cm de longo. As manifestacións clínicas prodúcense pola migración das larvas ao pulmón, onde ocasionan unha pneumonite ou síndrome de Loeffler, e pola presencia de vermes adultos nos intestinos.

Doenza parasitaria ocasionada polas diferentes especies de ascárides. No porco, por exemplo, maniféstase por unha irritación da mucosa pulmonar que produce accesos de tose violentos acompañados de sufocacións.