atacar

1. v t

   Encher un espacio con algunha cousa (unha arma de fogo, o tabaco nunha pipa, a pólvora dun barreno, etc) e despois exercer presión sobre esa cousa.

   Ex: Puxeron grava no foxo e despois atacárono. A cantidade de xente que acudiu ó concerto atacou o estadio. Fai o favor de atacar a caixa do lixo.

   Sinónimos: abarrotar, ateigar. Confrontacións: acugular.
2. v t

   Acometer a alguén coa intención de causarlle dano de palabra ou obra ou ben para vencelo.

   Ex: Atacáronnos, pero non conseguiron roubarnos. A epidemia atacou á poboación. Atacou as teorías do fiscal con elocuencia.

   Confrontacións: agredir, asaltar.
3. v t

   Comezar algunha cousa a ter influencia sobre outra ou sobre alguén.

   Ex: Cando naceu o seu irmán máis novo, atacouno a envexa.

4. v t

   Dar a primeira acometida á execución dalgunha cousa.

   Ex: Andamos con atraso e atacamos o traballo.

5. v t

   Facer comer a alguén ata que non poida máis.

   Ex: Tanto ataca o home que está gordo como un boi.

6. v pron

   Atrancarse ou cubrirse un conduto ou calquera espazo de tránsito.

   Ex: Atacouse o cano da auga coas pedras que lle chegaron.

7. v pron

   Comer en gran cantidade ata quedar farto.

   Ex: Atacouse de lambetadas e agora non vai querer xantar.

8. v t [MÚS]

   Comezar a facer soar unha ou diversas notas á vez.

9. v t [QUÍM]

   Facer reaccionar unha substancia con outra co fin de provocar na primeira unha acción destrutora gradual.

10. v t [TECNOL]

    Actuar un mecanismo, un instrumento, sobre a superficie dun obxecto para producir un efecto determinado, como unha mecanización, a transmisión dun movemento, etc.

Frases feitas

• Atacar as barazas. Aforrar gastos na comida.