atoar

1. v t

   Tapar ou pechar algún conduto polo que vai un fluído.

   Ex: Este anaco de madeira atoou a canle.

   Sinónimos: atascar, atuír, obstruír, obturar, ocluír. Antónimos: desatoar.
2. v t

   Cubrir con terra ou outra materia semellante.

   Ex: Atoamos o furado que había na eira.

   Sinónimos: atuír.
3. v pron

   Atascarse algún conduto con calquera tipo de material.

   Ex: Atoáronse os sumidoiros cerca do río.

4. v pron

   Quedar cuberto por terra ou por calquera materia semellante.

   Ex: Estando na praia atoouse a miña carteira e despois xa non a topamos.

5. v pron

   Quedar nalgún lugar sen poder saír de alí.

   Ex: Atoáronse no medio da xente e xa non os vimos máis.

6. v pron

   Pararse no que se está a facer ou a dicir a causa dalgún obstáculo.

   Ex: Estaba facendo os deberes, pero atoouse coas matemáticas e xa non puido seguir el só.

Formas incorrectas