Aton

Deus do antigo Exipto. O seu nome designa o disco solar como manifestación de Ra. Como divindade, Aton non se documenta con seguranza ata o reinado de Tuthmose IV. Durante o mandato do Faraón Akhenaton (Amenofis IV) chegou a ser, oficialmente, o único deus de Exipto, constituíndo o máis antigo monoteísmo estatal dunha alta cultura. Moitos aspectos vencellados co culto a Aton semellan ter pasado ao Cristianismo a través da tradición do pobo hebreo, que daquela vivía en Exipto, habendo mesmo quen identificou a Akhenaton con Moisés.