Auersperg

Familia feudal de Carniola, orixinaria do castelo do mesmo nome, que apareceu por vez primeira no 1220 con Errandus de Owersperch. Os seus membros foron grandes camarlengos (1407), mariscais hereditarios de Carniola (1643), baróns (1550) e despois condes (1630) do Sacro Imperio. En 1641 compraron o señorío de Gottschee. Dende 1653 os cabezas de familia foron Príncipes do Sacro Imperio, título que se estendeu á totalidade da familia no 1791, ano no que tamén recibiron o ducado de Gottschee. Acadaron os ducados de Münsterberg e de Frankenstein (Silesia) en 1654, territorio vendido a Prusia en 1791.