augarrás

Aceite esencial volátil, incoloro, de cheiro característico, pouco tóxico, insoluble en auga, mesturable con moitos solventes orgánicos. Orixinariamente se chamaba augarrás á esencia de trementina; logo a denominación estendeuse a produtos moi semellantes como as esencias de madeira de piñeiro, carbonización e papelería desta mesma madeira. Utilizouse tradicionalmente como solvente, especialmente para vernices e pinturas. Non obstante , por razón de prezo e porque non disolve diversas resinas sintéticas importantes, a industria de pinturas foi reducindo o seu consumo. A súa principal aplicación está na industria química, na do caucho, e tamén en medicina.

Esencia de trementina.