ausencia

1. de ausentar.

2. s f

   Feito de non estar unha persoa ou cousa onde debe ou onde se espera que estea.

   Ex: Ten que notar moito a súa ausencia porque estaba moi unido a ela.

   Sinónimos: falta.
3. s f

   Tempo durante o cal se está ausente.

   Ex: Durante a ausencia do xefe, o secretario atenderá os seus compromisos.

4. s f

   Privación ou carencia de algo.

   Ex: A ausencia de tacto xerou o conflito entre eles dous.

   Sinónimos: falta.
5. s f [DER]

   1. Condición da persoa que desapareceu do seu último domicilio ou residencia sen que se tiveran novas. A lexislación española considera tres situacións: ausencia presunta ou de feito, ausencia legal ou declarada -cando transcorreu un ano ou tres, se o desaparecido deixa ou non unha persoa apoderada-, e, máis alá de determinados termos, a declaración de morte.

   2. En dereito procesal canónico, rebeldía.

6. s f [PAT]

   Breves interrupcións, de 5 a 30 segundos, da acción e da consciencia acompañadas dunha expresión estraña da mirada, propias das variedades máis leves da epilepsia ou dun pequeno mal.

7. s f [PSIC]

   Perda momentánea da memoria ou do coñecemento que responde a causas diversas.

Frases feitas

• En ausencia de. loc prep. A falta de. Ex: En ausencia dos teus pais, terás que asinar ti por eles.

• Gardar as ausencias. Situación na que alguén vive pendente dun ser querido que está ausente. Ex: Gárdalle as ausencias mentres estea na emigración.

Refráns

• A ausencia apaga o amor: lonxe dos ollas, lonxe do corazón.
• A ausencia é madrasca do amor e da benquerencia.
• A ausencia gasta o namoro, se tarda a presencia.
• A ausencia trae a esquencia.
• A langa ausencia trae o esquecemento.
• Alá se me poña o sol, ande teña o meu amor.
• Anque me vou, ben me quedo; e, anque me marcho, non fuxo.
• Canto te vexo, tanto te quera.
• Dende que non vos vemos, non nos coñecemos.
• Lonxe da vista, lonxe do corazón.
• Lonxe dos ollas, lonxe do corazón.
• Mente canto quere e esbardalla canto pode.
• Non hai amigos a martas e a idos.
• Non hai ausente sen culpa nin presente sen disculpa.
• Nunca os ausentes se toparon presentes.
• O amor non ten resistencia contra a ausencia.
• O marta e o ausente non son xente.
• O que non parece, lago se esquece.
• O que non vexo, non o desexo.
• Ó santo que non está presente vela non se acende.
• Ollas que non ven, corazón que non sente.
• Para o que está ausente non hai xusticia.
• Por detrás chámanlle ao rei cornudo.
• Se me vou e se me quedo, é que marcho e non me ausento.