Auxerre

Cidade da Borgoña, capital do departamento de Yonne, Francia (38.819 h [1990]). Foi a antiga capital dos senons, chamada polos romanos Autissiodorum. No s X converteuse en sede dun Condado de Auxerre. No 1435 pola Paz de Arrás, esta cidade foi cedida aos duques de Borgoña; estes posuírona ata a morte de Carlos o Temerario (1473), momento no que pasou a Francia. Destacan a súa catedral (ss XIII-XVI) e a Igrexa de Saint-Germain (ss XIII-XIV).