Barbate

Municipio da provincia de Cádiz, Andalucía, situado na desembocadura do río Barbate, ao L do cabo Trafalgar (21.888 h [1996]). A cidade, situada a medio camiño entre Cádiz e Algeciras pero fóra da estrada principal, medrou aproveitando a súa condición de centro de mercado agrícola dunha comarca especializada sobre todo nos cultivos de cereais e oliveiras, e grazas tamén ao seu porto pesqueiro. A actividade portuaria favoreceu o desenvolvemento industrial, fundamentalmente as conservas de peixe en salgadura e os estaleiros.