¹ barreira

Calquera dispositivo que se utiliza ben para separar un lugar doutro ou ben para impidir ou obstaculizar o paso ou acceso a un lugar.

Obstáculo material ou moral que separa dúas cousas ou dúas persoas.

Obstáculo ou impedimento para que algo se realice.

Nas fortificacións antigas, parapeto que servía para defenderse dos inimigos.

En certos deportes de oposición, fila de xogadores que se colocan diante da meta, permanecendo estáticos, para evitar que o equipo contrario acade un tanto, especialmente os defensores nos deportes con balón durante a execución dos lanzamentos de golpes francos.

Obstáculo, natural ou artificial, que impide que unha especie ocupe todo o seu territorio potencial de distribución ao afectar a súa capacidade de dispersión. As barreiras poden ser espaciais, climáticas, edáficas e bióticas.

Moble heráldico que representa un anaco de garrote co que se rodeaba a liza nos torneos.

Sistema de defensa dunha rede informática deseñado para impedir que accedan a ela persoas non autorizadas e para evitar danos causados por datos recibidos nela.

En psicanálise, designa metaforicamente o sistema defensivo realizado polo suxeito contra as lembranzas e motivacións indesexables.

Pantalla que se sitúa na beira dunha vía, especialmente en zona urbana, para limitar o efecto do ruído dos vehículos sobre as edificacións veciñas.

Conxunto de fenómenos térmicos que aparecen nunha aeronave, polo efecto do quentamento cinético.

Muro baixo construído no leito dun río ou no fondo do mar, cando se producen movementos de auga, para reter os seixos e a area.

Barreira que nos pasos a nivel se pecha automaticamente cando se achegan os trens.

Rexión finita do espazo na que a enerxía potencial dun campo presenta un máximo. Segundo a mecánica clásica, é imposible o paso de calquera partícula de enerxía cinética inferior á do máximo da barreira, pero segundo a mecánica cuántica existe unha posibilidade, non nula, de que a partícula atravese a barreira.

Dispositivo que adoita ser unha rede, empregado nos portaavións cando falla o dispositivo de retención para deter as aeronaves que aterran.

Conxunto de fenómenos aerodinámicos que aparecen no desprazamento dun móbil no seo dun gas a velocidades próximas ás do son, xeralmente entre Mach 0,8 e Mach 1,2. A estas velocidades a resistencia aumenta violentamente e prodúcense ondas de choque que provocan vibracións e defectos na estabilidade.

Barreira formada polo endotelio vascular e a membrana glial perivascular do cerebro, que constitúe un complexo mecanismo fisiolóxico regulador do paso de substancias potencialmente nocivas para o cerebro, ou capaces de alterar a composición do líquido cefalorraquídeo.

Tipo de regulamento do comercio exterior para restrinxir as operacións de importación no seu país. A súa natureza pode ser monetaria, comercial, técnica, sanitaria, etc e pode consistir en controis ou regulamentacións. Constitúe a base do proteccionismo estatal ou de grupos de estado.

Termo aplicado á membrana de intercambio placentario. Está constituída polas paredes primeiras das pilosidades placentarias e actúa como un filtro.

Factor que impide que unha poboación que se propaga sexualmente se mesture e intercambie xenes con outra poboación.