Barrera i Costa, Heribert

Científico e político. Licenciado en Química e Matemáticas e enxeñeiro químico pola Universidade de Montpellier; tamén doutor en Ciencias Físicas pola Sorbona (1948). Investigador, especialista en química orgánica, e profesor de diversas universidades (Montpellier, New Hampshire, Autònoma de Barcelona). É autor de numerosos traballos de investigación e recibiu o premio Prat de la Riba do Institut d’Estudis Catalans, polo seu traballo Novas contribucións á síntese de ácidos arilalifáticos e á teoría de acilación intramolecular (1949). Iniciou a súa actividade política no 1934 e no 1952, logo de trece anos de exilio, emprendeu a reorganización clandestina de Esquerra Republicana de Catalunya, da que chegou a ser o máximo dirixente no interior e secretario xeral (1976-1987). Foi deputado nas Cortes de Madrid (1977-1979), deputado no Parlamento de Catalunya (1989-1984) e deputado no Parlamento Europeo (1991). Inclúese dentro do sector moderado do partido, do cal foi presidente dende o 1989.

Cronoloxía