Barrios de Chamorro, Violeta

Política nicaraguana. Casou co activista demócrata Pedro Joaquín Chamorro. Logo de ser este asasinado (1978), substituíuno na dirección do xornal La Prensa, defensor das liberdades democráticas contra a ditadura. Á caída de Somoza (1979), foi uns dos membros do executivo da Xunta de Goberno de Reconstrución Nacional, pero dimitiu en menos dun ano ao adoptar unha postura crítica fronte ao Frente Sandinista Liberación Nacional (FSLN), maioritario no Consello de Estado. Apoiada pola conservadora Unión Nacional Opositora (UNO), foi Presidenta da República entre 1990 e 1997. En 1997 publicou as súas memorias Sueños del corazón.

Cronoloxía