batiscafo

Artefacto submarino autónomo ou telecomandado capaz de somerxerse a grandes profundidades, destinado xeralmente á observación e ao estudo do fondo do mar. Componse dunha cabina esférica, na que viaxan os ocupantes, e dun flotador naviforme. O primeiro aparato deste tipo, o FNRS 2, foi construído en Bélxica por A. Picard. Outro modelo, o Trieste, construído polo mesmo A. Piccard xunto co seu fillo, conseguiría en 1959 descender ata os 5.486 m na Fosa das Marianas, a carón da illa de Guam.