baza

1. s f [XOGO]

   Conxunto das cartas xogadas nunha man ou volta dunha partida de cartas.

   Ex: Xa tirei o ás na baza anterior, así que só me queda o tres.

2. s f [XOGO]

   Número de puntos conseguidos nunha mesma man.

   Ex: Gañastes porque vos saíu unha baza ben boa.

3. s f

   Circunstancia favorable que acontece no momento ou no lugar apropiado.

   Ex: Aproveitei a baza de poder volver tan pronto do traballo.

   Sinónimos: oportunidade.
4. s f [ETN]

   Parte do emparrado da videira que queda entre os esteos.

5. facer unha baza [XOGO]

   Gañar unha man nunha partida de cartas.

Frases feitas

• Collerlle (alguén) as bazas a outra persoa. Deixar de respectárense dúas persoas mutuamente.

• Meter (alguén) baza. Intervir alguén nunha conversa que lle é allea.

• Non deixar meter baza. Non permitir que un interlocutor fale.

• Sacar baza. Sacar proveito nalgún acto.

• Tomar baza. Adoptar unha postura de superioridade ou ameazante.