Bebel, August

Político socialista alemán. En 1861 comezou a participar no movemento obreiro alemán. No congreso de Eisenach (1869) fundou, con Wilhelm Liebknecht, o partido socialdemócrata. En 1875 conseguiu unificar o movemento obreiro alemán e opúxose ao anarquismo de Bakunin e Most. Foi deputado do Reichstag desde 1867 e en 1900 asumiu a dirección do partido, dende onde criticou o militarismo e o colonialismo alemán. Defensor dunha liña intermedia entre os revisionistas e os partidarios dunha posición máis radical, escribe, entre outras, as obras Die Frau und der Sozialismus (A muller e o socialismo, 1883) e Aus meinem Leben (Da miña vida, 1910-1914).

Cronoloxía