Bellini, Gentile

Pintor italiano. Fillo de Iacopo Bellini e irmán de Giovanni Bellini, co que colaborou en diversas ocasións. Estivo influenciado polo seu cuñado Mantegna. En 1479 a Señoría de Venecia enviouno á corte do Sultán Mehmet II en Constantinopla (1479-1481), o que influíu moito na súa sensibilidade polas formas pitóricas orientais (A predicación de san Marcos en Alexandría). A súa pintura, dun gran valor documental, reflicte un interese vivo pola vida da súa cidade que describiu con espectacularidade (Procesión da reliquia da santa Cruz, 1496 e Milagre da ponte de san Lourenzo, 1500). Foi un retratista excelente (Mehmet II).

Cronoloxía