Benedicto/Benedicta

Antropónimo procedente do latín Benedictus ‘bendito’; xa que logo, forma culta correspondente ao prenome Bieito. Quince papas levaron este nome e mesmo dous acadaron a santidade: Benedicto II e Benedicto XI. A festividade de Benedicto celébrase o 7, 8 ou 11 de maio, ou o 7 e 31 de xullo; e a de Benedicta o 4 de xaneiro, 6 de maio, 29 de xuño ou 8 de outubro. Ás veces, conmemórase tamén os días de san Bieito. Este nome presenta como variantes as formas Benedito/Benedita, e como hipocorístico Bene.