Bengasi

Capital do baladiyya homónimo, en Libia, e unha das tres capitais do estado, situada á beira do golfo de Sidra (804.000 h [1995]). Foi unha antiga colonia grega, chamada Euhespèrides, logo estivo sometida aos Ptolomeos de Exipto, que lle deron o nome de Berenice, e finalmente caeu baixo o dominio de Roma no 96 d C. Foi unha posesión dos árabes desde o s VII ata o 1540, momento no que pasou a pertencer aos turcos, que a posuíron ata o 1911. Estivo ocupada polos italianos a partir do 1911 ata o momento da independencia de Libia en 1951. Foi a residencia de Mu ḥ ammad Idrīs antes de ser proclamado Rei de Libia.