Berija, Lavrentij Pavlovič

Político e enxeñeiro. En 1917 adheriuse ao partido bolxevique e, entre 1921 e 1931, dirixiu a policía política de Xeorxia. En 1931 accedeu á dirección do Partido Comunista de Xeorxia e comezou un proceso de persecución dos labregos opostos ás colectivizacións do Cáucaso e proclives ao Nacionalismo. En 1934 ingresou no Comité Central do partido, en 1940 no Politburó, e en 1941 no consello supremo da guerra. En 1942 foi ministro de Seguridade e do Interior, e en 1946 acabou cos responsables das purgas dos anos trinta. Á morte de Stalin (1953) formou parte do triunvirato dirixente con Georgij Maksimilianovič Malenkov e V’ačeslav Mikhajlovič Molotov, aos que se enfrontou. Foi detido e executado en 1953.

Cronoloxía