Berredo, Santa María de
Berredo, Santa María de
Igrexa parroquial situada en Agolada. Datada a finais do s XII ou principios do s XIII, conserva unha capela románica de planta semicircular, cun breve tramo recto. O arco triunfal é apuntado e dobrado, apoiado en dúas columnas rematadas en cadanseu capitel decorados con grandes follas lisas e bólas. Algúns canzorros do beiril presentan figuras de animais.