biciclo-

Prefixo empregado para formular sistematicamente os nomes dos hidrocarburos alicíclicos. Anteponse ao nome do hidrocarburo de cadea aberta de igual número de átomos de carbono e especifícanse as dimensións dos aneis con tres cifras (separadas por puntos e entre corchetes) que van detrás do prefixo; estas cifras indican, en orde decrecente, o número de átomos de carbono de cada unha das tres cadeas que unen os dous átomos de carbono terciario comúns.