Bigorre

Rexión da Gascoña, Francia, que ocupa parte do departamento dos Hautes-Pyrénées. Esténdese dende a área axial pirenaica ata a chaira de Tarbes. Habitada pola tribo gala dos biguerrións, trala conquista romana formou parte de Aquitania. No 828 converteuse en condado, no 1307 pasou a mans de Filipe IV o Fermoso de Francia e no 1360 foi conquistada polos ingleses, que a abandonaron logo dunha sublevación no 1369. No ano 1607 Enrique IV de Francia incorporouna definitivamente ao seu reino.