bilirrubinoide

Nome xenérico co que se coñecen cada unha das substancias pirrólicas que proveñen da degradación, no intestino, da bilirrubina excretada polo fígado na bile. Os bilirrubinoides elimínanse por vía intestinal ou reabsórbense e elimínanse de novo polo fígado ou por vía urinaria. Entre os bilirrubinoides destacan a mesobilirrubina, o mesobilirrubinóxeno, o estercobilinóxeno, a mesobiliviolina e a estercobilina.