Birduedo, Serra de

Pequeno sistema montañoso do Courel, que segue unha dirección SO-NL e marca coa súa liña de cumes o límite entre os concellos de Folgoso do Courel e Quiroga, así como a divisoria de augas entre as concas do Lor, que queda ao N, e o Ferreiriño, ao S, ambos os dous da conca do Sil. A súa máxima altitude correspóndese cos 1.128 m do Alto do Convento. Por baixo quedan, entre outros, A Cruz das Lastras (1.096 m), o Teso do Camiño Grande (1.064 m), A Casa do Crego (1.059 m) e a Poza do Lago (1.022 m).