Temas

Conxunto de montañas do extremo sudoriental dos Alpes, que marca o paso da serra alpina á chaira danubiana. Está formado polo grupo dos Karawanken, do que se desprenden o macizo de Pohorje e os Alpes Xulianos.

Montes que se estenden por parte das parroquias de San Xiá de Monfero e O Val de Xestoso (Monfero). O seu cumio acada os 612 m de altitude.

Macizo montañoso (1.609 m) dos Montes de Toledo, na provincia de Cáceres, Extremadura.

Aliñación montañosa de natureza granítica, cunha dirección NO-SL, que se prolonga polas parroquias de Soutullo e Montemaior (A Laracha) e Rodís e Xestada (Cerceda). A súa altitude media supera os 400 m, destacando o pico Cerdeira (595 m) e Pedrouzos (518 m).

Sistema montañoso de pequenas dimensións que se estende en dirección NL-SO polo concello de Folgoso do Courel. Os seus cumios acadan unha altitude media de 1.261 m.

Serra da Península Ibérica, no O do Sistema Central, que serve de límite das provincias de Salamanca (Castela e León) e Cáceres (Extremadura). Esténdese en dirección SO-NL, paralela ao val do río Alagón, ata a fronteira portuguesa. Constitúe un bloque fracturado formado por materiais graníticos e xistosos. Culmina no alto de Jalama, de 1.592 m de altitude.

Sistema montañoso do rebordo setentrional da Terra Chá. Esténdese pola parroquia de Vilapedre (concello de Vilalba) ata o límite coa de Balsa (concello de Muras), sobre unha litoloxía dominada por cuarcitas cámbricas. O seu cumio acada os 908 m de altitude, no monte Carba.

Sistema montañoso de pequenas dimensións, que se estende en dirección O-L polas parroquias de Toirán, Láncara e Carracedo (Láncara). A súa máxima altitude rexístrase no cumio da Serra con 621 m de altitude.

Macizo montañoso do Sistema Central, situado entre as serras de Gredos ao SO e a de Somosierra ao NL, e que atravesa a Comunidad Autónoma de Madrid e a provincia de Segovia. Culmina no pico de Peñalara a 2.469 m de altitude. Nela nacen os ríos Manzanares, Guadarrama e Eresma. Converteuse nun centro turístico e de deportes de inverno.

Serra dos Pireneos, en Navarra. A súa cota máis alta é o coto de Beriain (1.494 m).