Temas

Pequeno sistema montañoso que serve de límite ás parroquias (e concellos) de Camba (Laza) e Pradoalbar (Vilariño de Conso). Esténdese en dirección SL-N e culmina nos 1.705 m de altitude do Seixo, no seu extremo setentrional.

Serra de Panamá, situada na Cordillera Central, continuación da de Chiriquí. Acada o seu cumio en Cerro Santiago, a 2.826 m de altitude.

Pequena unidade de relevo ao O do río Lor e perpendicular ao curso do Sil, que discorre a partir do seu cóbado de captura cunha dirección SL-NO, formando o límite entre as parroquias de Quinta de Lor (concello Quiroga) ao L, e as de Liñares e Vilachá (concello da Pobra de Brollón) ao O. Asentada sobre pizarras do Ordovícico Superior e Medio, acada unha altitude máxima de 879 m.

Serra de Malawi situada ao SL do distrito de Mulanje. O cumio máis elevado acada os 3.002 m.

Conxunto de montañas do extremo sudoriental dos Alpes, que marca o paso da serra alpina á chaira danubiana. Está formado polo grupo dos Karawanken, do que se desprenden o macizo de Pohorje e os Alpes Xulianos.

Aliñación montañosa do O da Serra do Xurés (ou Gerês) que marca o límite internacional de Portugal e España (na parroquia de Río Caldo do concello de Lobios). Na parte galega, é dicir, na vertente setentrional, forma parte do Parque Natural da Baixa Limia-Serra do Xurés, mentres que na parte portuguesa se inclúe no Parque Nacional da Peneda-Gerês. Esténdese en dirección O-L ao longo duns 3 km e o seu cumio acada os 1.266 m.

Serra de Alxeria, que pecha polo S a chaira oriental do Hodna. Culmina no djebel Mimouna a 1.313 m de altitude.

Sistema montañoso que se estende polo límite dos concellos de Baltar e Cualedro, con Portugal. O seu cumio máis destacado é Coto Farelo que acada os 1.397 m de altitude.

Pequeno sistema montañoso que se estende en dirección NO-SL pola parroquia de Queixeiro (Monfero).