bistorta

Herba perenne, de rizoma groso e carnoso, dobregado en forma de S, de talo simple, de 20 a 60 cm de altura, con follas basais, pecioladas e ovadas, e espiga terminal compacta, de flores rosas. O rizoma, rico en taninos e amidón, é un bo astrinxente, empregado en forma de maceración en auga, para lavados, ou en viño contra diarreas e outras doenzas intestinais. En Galicia está restrinxida a zonas herbosas húmidas das serras orientais do país.