bleomicina

Nome xenérico dos antibióticos anticancerosos illados de cultivos de Streptomyces verticillus, que teñen como compoñente principal a bleomicina A2. Presenta unha grande afinidade coas células tumorais. Emprégase en medicina para detectar as neoplasias e para o tratamento dos carcinomas de pel e os linfomas da enfermidade de Hodgkin. Comporta o risco de pneumonite e fibrose pulmonar.