Blyton, Enid Mary

Escritora que utilizou en ocasións o pseudónimo Mary Pollock. Mestra de profesión, dedicouse á literatura infantil e xuvenil. En 1924 casou con Hugh Pollock de quen se divorciaría en 1942. Un ano despois, casou con Kenneth Darrell Waters. Escribiu libros de diversos xéneros e para distintos grupos de idade. O seu primeiro libro, publicado en 1922, era de poesías: Child Whispers (Murmurios de nenos). Da súa produción destacan: Noddy, as series Famous Five (Os cinco famosos), Secret Seven (Os sete segredos), Mystery Series (Series de misterio), e os libros ambientados en colexios, Torres de Malory e Santa Clara. Colaborou na revista Teacher’s World e dirixiu as súas propias publicacións entre 1926 e 1959: Sunny Stories e Enid Blyton’s Magazine.

Cronoloxía