Bólido, El

Semanario agrarista aparecido a raíz das loitas locais no partido xudicial de Caldas de Reis, na provincia de Pontevedra; ao radicalizarse estas, a organización agraria fundiuse nunha Federación en 1917. A abundancia de prensa local neste período reflicte claramente a loita política interior. Esta publicación naceu desta lóxica complexa para converterse no voceiro do agrarismo nos municipios de Moraña, Cuntis, Barro e Valga. Aínda que os labregos destes distritos pertencían á federación de Caldas, como non se consideraban debidamente apoiados, decidiron sacar El Bólido á rúa.