Bombyx

Xénero de bolboretas da familia dos bombícidos ao que pertence a especie B. mori, coñecida como bolboreta ou eiruga da seda, suxeita dende antigo á cría en catividade por parte do home para obter seda ( sericultura). Esta especie, orixinaria da China, xa non se atopa en estado salvaxe; a cría selectiva ao longo de séculos conseguiu que de cada casulo se obteñan máis de 600 m de seda continua e fixo que as bolboretas teñan perdido a capacidade de voar. As eirugas aliméntanse de follas de moreira.