Bourget, Paul

Novelista e crítico francés. Formouse dentro do Positivismo, seguidor de Taine. O seu primeiro éxito foi Essais de psychologie contemporaine (Ensaios de psicoloxía contemporánea, 1883-1885). Sobresaíu rapidamente como autor de novelas psicolóxicas, pero a análise de base científica das súas primeiras novelas, Cruelle énigme (Enigma cruel, 1885) ou André Cornélis (1886), evolucionou cara a unha actitude moralista, de denuncia do Positivismo, como en Le disciple (O discípulo, 1889), Cosmopolis (1893), L’étape (A etapa, 1902) ou L’émigré (O emigrado, 1907). As súas novelas de personaxes burgueses están moi ben estruturadas.

Cronoloxía