Bouthoul, Gaston

Sociólogo francés. Director da École des Hautes Études Sociales. A súa obra trata o tema da guerra, contemplado dende un punto de vista neutral. É o creador do termo polemoloxía, o estudo do fenómeno bélico, e do Institut Français de Polémologie (1945). Entre as súas obras destacan: Traité de sociologie (Tratado de socioloxía, 1946), Les guerres, éléments de polémologie (As guerras, elementos de polemoloxía, 1951), Traité de polémologie (Tratado de polemoloxía, 1971), Le défi de la guerre (1740-1974) (O reto da guerra, 1740-1974; 1976), en colaboración con R. Carrère, e Guerres et civilisations (Guerras e civilizacións, 1980).

Cronoloxía