Boletín Oficial del Obispado de Lugo

Publicación de carácter relixioso editada na cidade de Lugo en 1872, continuadora probablemente do Boletín del Clero del Obispado de Lugo. A súa frecuencia varía co tempo, aínda que entre os anos 1913 e 1915 foi quincenal; xeralmente, era o propio bispo quen autorizaba o número de publicacións. A súa tiraxe só constaba de 80 exemplares. Foi editado, entre outros, pola Imprenta Católica, fundada polo bispo de Lugo José de los Ríos e por G. Castro a principios do século XX. Non tiña prezo e constaba de dezaseis páxinas cunha cuberta.