bronceador -ra

Que broncea.

Preparado cosmético destinado a mellorar o bronceado da pel por acción do sol e evitar o eritema, ou a imitar con colorantes a cor natural producida por insolación. Os bronceadores protectores, baseados nun axente antisolar, filtran as radiacións solares e reteñen as de lonxitude de onda curta, que é a que produce eritemas. Os bronceadores extemporáneos ou simuladores son solucións de colorantes naturais ou sintéticos que se fixan sobre a pel. Hai bronceadores que son activadores da formación de melanina, pigmento responsable do bronceado da pel.