buganvílea

Arbusto gabeador do xénero Bougainvillea, da familia das nitaxináceas, de follas enteiras, alternas, ovadas, lustrosas e perennes, e flores reunidas en grupos de tres e rodeadas por tres brácteas petaloides de gran tamaño, de cor laranxa ou vermella. Pertencen a este xénero dez especies orixinarias de América do Sur, apreciadas en Europa como ornamentais. As especies máis empregadas en xardinería son B. glabra, B. spectabilis e o híbrido B. x buttiana.