burbulla

Globo de aire ou doutro gas que se forma no interior dun líquido e sobe á superficie deste cando ferve, fermenta ou cando se move moito.

Porción de aire ou dun gas calquera envolto nunha película de auga ou doutro líquido.

Parte levantada da superficie sólida dunha peza metálica de fundición, producida pola presenza dun gas no seu interior mentres se atopaba en estado pastoso.

Mancha nas copias ou nos negativos que aparece por mor dun procesado incorrecto. Cáusano as burbullas de gas ou de líquido baixo a superficie da emulsión, debido a reaccións químicas que se dan en moitas ocasións entre as diferentes solucións, sobre todo cando o aclarado é inadecuado.

Dominio magnético local estable (non volátil), de dimensión submicroscópica, inducido no seo de certos materiais que se empregan como substrato para memorias de gran capacidade.