Busto, Gumersindo

Escribán público. Realizou estudios sacerdotais en Santiago de Compostela, de dereito en Montevideo, a onde se trasladara en 1886, e finalmente obtivo o título de escribán público en Bos Aires. En 1904 comezou a organizar a Biblioteca América, hoxe integrada na Biblioteca Xeral da Universidade de Santiago de Compostela, inaugurada en 1926. Así mesmo, foi promotor dunha Universidad Libre Hispanoamericana, que tería a súa sede en Santiago de Compostela. En 1922 logrou que o claustro universitario aprobase o regulamento do Padroado da Universidade. Foi membro da Unión Hispano Americana Pro Valle Miñor, entidade que tiña por obxecto   dotar a Galicia de escolas. Ademais, fundou e dirixiu a revista Cervantes e o Boletín da Biblioteca América. En 1934 recibiu o título de doutor honoris causa pola Universidade de Santiago de Compostela.

Cronoloxía