Cabezón, Antonio de

Organista e compositor renacentista. Realizou estudios musicais en Palencia e posteriormente foi músico de cámara de Carlos V e de Filipe II. Mestre na técnica do contrapunto, innovou o campo da harmonía e desenvolveu novas formas musicais. Compuxo tientos, diferencias, glosas, himnos e outras composicións baseadas en melodías litúrxicas cun estilo contrapuntístico moi rico. Algunhas das súas composicións están recollidas na obra Libro de cifra nueva para tecla, harpa y vihuela (1557), colección de pezas de diferentes autores realizada por Luis Venegas de Henestrosa.

Cronoloxía