Cabezuela del Valle

Municipio da provincia de Cáceres, na Comunidad Autónoma de Extremadura (2.438 h [1996]), situado no val do río Jerte, nunha das vertentes da Sierra Llana. A súa riqueza forestal, carballos e castiñeiros principalmente, permitiu o desenvolvemento dunha industria madeireira. O cultivo de cereais, viña, froitas e o gando lanar completan a actividade económica.