cahita

Relativo ou pertencente aos cahitas ou á súa lingua.

Individuo da tribo amerindia cahita.

Tribo amerindia que habitaba no noroeste de México, á beira dos ríos Sinaloa, Fuerte, Mayo e Yaqui. Cando contactaron cos conquistadores españois, no 1533, a súa poboación ascendía a uns 100.000 individuos. As principais tribos que sobreviven son os mayos e os yaquis.

Lingua falada polos cahitas, pertencente á familia uto-azteca. Comprende varios dialectos entre os que se conservan os falados polos indios mayo e yaqui.