calvario

(< lat calvarĭu

s m [RELIX]
Cruceiro ou capela dedicados á Crucifixión e situados sobre un outeiro ou sobre unha elevación artificial do terreo, a miúdo preto dunha poboación, onde os cristiáns van facer o viacrucis ou lembrar a Paixón, especialmente en tempo de Coresma ou nos días de Semana Santa. Polo camiño adoita haber pequenas capelas con representacións dos pasos da Paixón en forma de estacións.
s m [ARTE]
Representación da Crucifixión realizada con técnica pesebrista durante a Semana Santa.
s m
Situación dolorosa, seguida de penas e aflicións.

Ex: Que calvario lle fixeron pasar antes de conseguir o premio!
Sinónimos: martirio, suplicio, tormento, tortura, viacrucis.
s m [HERÁLD]
Nas representacións heráldicas, monte rematado nunha cruz latina que ten unha coroa de espiñas e tres cravos.

Palabras veciñas