camareiro -ra

Profesional que nun bar, nun restaurante ou noutro establecemento hostaleiro atende os consumidores.

Persoa encargada da limpeza e coidado dos cuartos en hoteis, barcos ou coches-cama dos trens.

Profesional hostaleiro que ten como misión a limpeza e preparación das dependencias de uso común en hoteis, residencias e similares.

Oficial palatino que na Idade Media estaba ao servizo da cámara real, na que se gardaba o tesouro, as xoias, os mobles e as vestimentas reais. Máis tarde, o cargo comportou a recepción e distribución de ingresos reais e acabou quedando restrinxido ao servicio particular do soberano.

Dama, pertencente á alta nobreza, que antigamente prestaba servicios na cámara da raíña.

Eclesiástico encargado nos mosteiros e nas grandes igrexas do fornecemento e coidado dos vestidos para os monxes ou cóengos; ás veces encargábase tamén dos cuartos, función que nos grandes mosteiros estaba encomendada ao cubiculario. Considerábase oficio maior e dignidade eclesiástica.

Muller que ten ao seu cargo o coidado e vestido das imaxes nunha confraría ou nunha irmandade relixiosa.

Cargo honorífico da corte pontificia outorgado a certos eclesiásticos para cada pontificado.

Cargo honorífico da corte pontificia outorgado a laicos.

Dignatario ou oficial eclesiástico da corte pontificia, nomeado para cada pontificado para o servizo familiar e persoal do papa. Trátase de testamenteiros, bibliotecarios domésticos, secretarios persoais, de embaixadas e dos breves, entre outros.

Dignatario ou oficial laico da corte pontificia. Entre eles estaban o secretario laico de embaixadas e os comandantes e outros oficiais das gardas nobre e suíza, así como o furriel maior, o mozo cabaleiro maior, ou o superintendente xeral de cultivos, todos eles oficios hereditarios vinculados a algunhas familias romanas.