Campesino, El

Publicación viguesa de carácter anticaciquil que saíu á luz en 1899 como órgano da Asociación de Agricultores y Labradores. Probablemente reapareceu o 21 de outubro de 1900. Serviu de voceiro das sociedades agrícolas do antigo concello de Lavadores. Foi o seu director Xosé Quintas Davila, un coñecido republicano da cidade olívica. Nela defendíanse os principios agraristas e anticaciquís, en oposición aos seguidores do marqués de Riestra.