Campos Piñón, Guillermo

Enólogo e xornalista. Diplomado en maxisterio, especializouse en temas de gastronomía e consumo. Na prensa escrita traballou no Diario de Pontevedra, El Pueblo Gallego, La Voz de Galicia, Faro de Vigo, El Correo Gallego e O Correo Galego. No Faro de Vigo creou o suplemento ConSumo Gusto, pioneiro en información turística, gastronómica e de cultura popular orientada ao consumidor en Galicia. Dirixiu a revista Consumidores e Paradores, la revista del viajero. Creou e dirixiu a revista Andares Gozosos e foi director das publicacións Hostelería Galega & Turismo e Lareira. Correspondente en Galicia da revista Club de Gourmets, foi ademais inspector da guía gastronómica Gourmetour e crítico gastronómico na revista Vino y Gastronomía. Colaborou na Guía de Quesos de España e na Guía de Vinos del Gourmet. Traballou para Radio Pontevedra, foi correspondente en Pontevedra da Cadena COPE e, posteriormente, comentarista especializado na Radio Galega. Na TVE en Galicia foi director e presentador do programa Xantares Galegos, ademais de director, guionista e presentador de Artesa na TVG. É autor da obra Comer bien en Galicia e coautor dos libros Guía Selecta de Restaurantes de España, Guía Mundial del Vino e Sonidos de un Viaje Milenario. Catador diplomado, é membro do comité de cata da Denominación de Orixe Rías Baixas, membro da Irmandade dos Viños galegos e impulsor do Campeonato de España de Cocineros e do Premio Nacional de la Gastronomía Española. Asesor da área de gastronomía da EGU.

Cronoloxía