Camprodón

Municipio da provincia de Girona, Catalunya, na comarca do Ripollès, regado polo río Ter (2.308 h [1996]). As actividades económicas principais son a agricultura, coa produción de patacas, cereais e legumes, a industria alimentaria e unha importante actividade turística. O bosque de piñeiros e carballos domina a paisaxe. Entre os seus edificios destaca a igrexa gótica de Santa Maria do s XIV e a igrexa do mosteiro románico de San Pedro.