¹ canela

1. s f [ANAT]

   1. Óso da parte interna da perna situado entre o xeonllo e o pé.

      Ex: Fracturou a canela e agora leva a perna escaiolada.

   2. Calquera dos ósos longos do brazo ou da perna.

   3. Calquera dos ósos longos das ás dunha ave.

   4. Parte anterior da perna entre o pé e o xeonllo.

      Ex: Leva saias curtas porque ten as canelas ben feitas.

2. s f pl

   Pernas moi delgadas.

   Ex: Que canelas lle quedaron despois de dous meses de enfermidade!

3. s f

   Peza metálica ou doutro material arredor da que se enrola o fío, que vai disposta dentro da lanzadeira para formar a trama do tecido nunha máquina de coser ou nun tear. Preséntase en varios formatos, dependendo do tipo de fibra e do uso ao que se destina.

   Ex: Cambiou o fío da canela para empezar a coser coa máquina.

   Sinónimos: canelo.
4. s f [ETN]

   Cano de madeira polo que entra a auga no rodicio do muíño.

Frases feitas

• Andar correndo a canela. Non estar quieto.

• Andar en/ir de canelas. Andar coas pernas ao aire.

• Dar sebo/darlle ás canelas. Escapar correndo.

• Ir ás canelas de alguén. Bater nunha persoa.

Formas incorrectas