Cannizzaro, Stanislao

Químico italiano. Foi profesor de química en Alessandria (1851), catedrático nas universidades de Xénova (1855), Palermo (1861) e Roma (1871), e tamén senador (1871). Descubriu a reacción que leva o seu nome, desenvolveu métodos precisos de determinación de pesos moleculares e atómicos baseados na lei de Avogadro, e conseguiu a unificación dos criterios de formulación dos compostos químicos. Demostrou, ademais, que a química inorgánica e a orgánica se rexen por uns mesmos principios.

Cronoloxía