¹ cano

Conduto de forma tubular destinado ao transporte de fluídos e, eventualmente, de materias granulares e pulverulentas. Os materiais empregados na fabricación son moi variados: chumbo, aceiro, ferro coado, cobre, aluminio, aliaxes metálicas, formigón, materiais cerámicos, caucho, materiais plásticos, etc. Os canos están formados por tubos e pezas accesorias, como cóbados, derivacións en forma de T, de cruz, etc, unidas aos primeiros mediante roscas ou soldaduras. A sección depende basicamente do caudal que debe transportar, e o grosor das paredes, dos esforzos que debe soportar para un material e un diámetro determinado.

Canle artificial, estreita e pouco profunda, pola que corren líquidos.

Condución de sección circular ou cadrada dunha cheminea que conduce os fumes da cociña, da lareira ou da caldeira, ao exterior do edificio por riba do tellado.

Conduto oco de forma cilíndrica e alongada utilizado para a condución de líquidos ou gases.

Talo das plantas, especialmente das herbáceas.

Parte basal da pluma das aves que se caracteriza por ser baleira, transparente, sen barbas e que vai inserida no corpo do animal.

larinxe.

Conduto por onde saen os ouriños.