carcinoide

Semellante ou relativo ao cancro.

Tumor constituído por acumulacións densas de células de volume uniforme que, polo xeral, presentan unha reacción arxirófila con conversión dun sal de prata en prata metálica. É de crecemento lento e pode afectar, en primeira instancia, ao intestino, ao estómago, aos bronquios, aos ovarios, aos testículos, ao páncreas, á tiroide, etc; despois pode realizar metástase, sobre todo no fígado. O tumor carcinoide é un apudoma que pode sintetizar substancias bioloxicamente activas como serotonina, bradicinina, histamina e hormona adrenocorticotrópica.

Manifestación clínica do tumor carcinoide caracterizada por crise de rubor cutánea na cara e no pescozo, taquicardia, diarrea, lesións nas válvulas cardíacas, telanxiectase e broncospasmo. O diagnóstico confírmase comprobando un aumento da excreción urinaria de ácido 5-hidroxiindolacético.